د/ حامد خشبة
من يوميات عاشق
(لما كنا صغيرين)
(الجزء الأول)
وإحنا كنا صغيرين...
كنا بـ نلعب بوش واحد وش بــشوش
ليه غيرتوا الوشوش....
وش عابس...
وش بارد ملوش أثر كإنك مـ شوفتهوش
وش ملوش ملامح وش منكوش
ليــه ضيعتـــوا الوشوش....
بدور على نفسي بـ ـنفسي فــ الوشوش....
مشــــ لاقي غير وش حاقد مــ بحبوش
فاكرين لما كنا صغيرين....
بـ نلعب فــ الحارة مفيش فارق....
مفيش فارق بين بنــت ولـــد....
براءه مفيش غل ولاحقد ولاحسد
نزعل نفرح مــ نباتش متخاصميـن
نلعب إستغمايه...نط الحبل والحجله....
قلوبنا تطلع لــ فوق وتنزل طاهره
ولد وبنت مـ نعرفش الكســوف
ليه غيرتوا بــ الوشـوش
نلعب قدام بيتنــا....
أو فـــ حوش الجيران بدون خوف
ناكل لقمـه وحتـة جبنـه....
نشرب مايه مــ الطرمبه
نجري ونفرح ونتشاكل....
دا دوركــ والــلا دوري....
مين اللي هـ يركب المرجيحه...
بـ حبل فــ توته قدام بيت أم فاروق
نشت النخل ... ويـــاه...
يـا بخت اللي يلاقي بلحـة الوطـواطـ
كأنه فاز بـ جايزه سكرها زيه مفيش
ليه غيرتوا فــ الوشوش
وخوفتونا مــ الخفافيش...
كرونا و وهم و ظلم كده مـتلاقيش
كنا بـ نلعب ولــد مع بنــت...
وشعرها مكشوف براءه مفيش كسوف
وإحنا كنا صغيرين...
أختي وأختك نخاف على بعض
أهل مـ نسمعش يـوم كلمة جـار
نسمع من أمي...
بيت خالتك أم فلان
ومن أبويا...
بيت عمك أبو فلان
حزننا همنا ضحكنا فرحنا واحــد
بــ نخاف على بعض بوش واحـد
ليه غيرتوا الوشوش
ولما نزعل مـ نتخاصمش...
وزعلنا بيدوووب...
وزعلنا بيدوووب زي شمعه
فــ سهرايه حلوه...
فــ ليله ضلمــــه...
بـ تنتهي مع طول جلسه بـ ضحكه...
تسمع صوتــها فــ صفــا لمـــه...
مع شوية شاي مغلييـن...
على نار هاديه دافينين
فــ الصبـح...
نـقوم نفطر...
ونلبس المريله ونشيل المخله
ومن الشباكــــ...
تنادي عليا خالتي أم فاروق...
يـا واد استنا خُد أختك معاك
و إيـاك...إيـاك...
حد يزعلها أو ينكش لها ضفايرها
إزاي يا خالتي معها راجل
طيب يا خويا إما انشوف
طب خالى بالك...
إمسك إيدها وعديها القناية
وأوعاك المايه تطرطش هودمها
جارا أيه يا خالتي قولتلك معها راجل
فــ المدرسه مفيش حد يقدر يبصلهـا
نقعد فــ تخته واحده...
وفــ خباسه علشان المدرس مايشفنا
نقسم لقمه أنا حته وهي حته...
بسرعه ناكلها
فــ الفسحه أشغل الطرمبه...
واعبيلها المايه فــ إيديا
أسقيها شويه شويه...
عشان ما توطيى...
عيب عليا... عيب عليـا
وانا معاها حـد يبصلهـا
براءه صافيه من عند ربي
ليه بدلتوا فــ الوشوش
نخلص حصصنا وأخدها وأمشي
محافظ عليها أكتر من أختي...
وأسلمها باب بيتها...
فوفه هي يا خالتي أم فاروق
تسمعني تلاحقني...
خُـد يا واد استنا كل اللقمه دي...
على مامك ترجع مــ السوق
ألاقيها عيش...
ألاقيها عيش ملدن مدهون بـ زبده...
على وشها سكر مرشوش
يــاه .... يــاه...
كإن طعمها لسه حلاوته فــ بوقي
يـاه.... يـاه...
يـا خالتي فكرتينى بـ أيام زمان
بـ أيام بشاشة الوشوش
حرام عليكوا...
حرام عليكوا شوهتوا كل الوشوش
د/ حامد خشبة
ليست هناك تعليقات:
إرسال تعليق