ليه يعني الود خلاص بينّا مابقاش بيدوم
حكايات وحاجات صبحت بينّا ولا ليها لزوم
لا باقينا نعرف نتغاضى ونسامح بعض
بقى كل واحد على غيره ليه جايب اللوم
مابقاش فيه حد خلاص يعني متحمّل حد
وباقينا تملّي بنستقوى وجايين على بعض
عايشين وبنضحك على روحنا صدّقني بجد
والكل خلاص حاطط نفسُه في خانة المظلوم
ليه يعني الود خلاص بينّا مابقاش بيدوم
ليه دايماً ناخد قرارتنا ونتمسّك بيها
ونحاول يعني نطبّقها وإنا نمشّيها
ليه دايماً رافضين نتقبّل أعذار من بعض
وإن كنا غلطنا تكون غلطة لابد نعدّيها
لكن رافضين إننا ناخد من حد نصايح
وكمان رافضين إننا نغفر أو حتى نسامح
بالعند أكيد نبقى حكمنا بالموت ع الحاضر
وقتلنا بكره بأخطائنا ودفنّا إمبارح
بقلمي عبدالحميد وهبه
ليست هناك تعليقات:
إرسال تعليق