قريت الحب علي جبينك
وكتبت العشق في جفونك
ورسمت الغرام في عيونك
ياأجمل من رأت عيني
لفيت الدنيا سبع لفات
وللغرام كان ليه حركات
والدنيا دايما خد وهات
لكن يا حبيبتي سرقتيني
نصبتي للغرام غيه
ورميتي شباكك في الميه
وكان معاها نظرة عين
لقيتني في ثانية في شباكك
جريت وبسرعة علي بابك
سألت علي اهلك و ناسك
الكل في أهلك شكرولي
جبت اهلي. و خطبوكي
جبنا الفستان و الطرحة
وليلتنا كانت ليلة فرحة
وكتب. كتابنا قوام مأذون
وبقيتي يا حبيبتي حلالي
وحياتي بدأت من جديد
وشوفت السعد بأحضانك
طول عمري شيلك بعيوني
وغمرتيني ياقلبي بحنانك
وفي نص السكة سيبتيني
واتاري الموت كان مستني
ضحك عليه و سهاني
من وري ضهري وخدك مني
اخدتي معاكي كل الفرح
وللأحزان كدا سيبتيني
ياسمره يا أم العيون السود
ليه يا حبيتي فوتيني
وبقيت وحيد
مستني يمكن يجيني
يحن عليه واجيلك
يا أجمل من رأت عيني
بقلم
احمد محمود
من ديوان بنا حروف
ليست هناك تعليقات:
إرسال تعليق