قلم السيد بدر
عملت كل حاجه
ونسيت أهم حاجه
إنك تجبر بخاطرى
......
ولا كنت عايزه حاجه
ولا كان ينقصني حاجه
إلا تجبر بخاطري
......
كل ده مقدور عليه
وللى مش مقدور عليه
إن تكسر مره خاطري
......
السؤال يكفيني منك
مش كل فين وفين
ما تشوفنيش وشوفك
كل فين وفين
......
مجرد سؤالك عني
على عيني ده جبر خاطر
السؤال لوحده حاجه
ولوحده يجبر ألف خاطر
عدم السؤال جفا
وبيكسر الخواطر
بيدفن الوفا
سليم ما يرجع لو ألف حول
........
الحوجه مش للمال
ولا كل حوجه بمال
حوجتنا لضحكه صافيه
من القلب طالعه
لكلمه وتكون طيبه
متحسه واصله
وحاجات كتير بسيطه
بينا تجبر ألف خاطر
ماتتنسيش لو ألف حول
.....
ولا كل حاجه بيشتريها المال
ولاكان بمال جبر الخواطر
ماتفكروش المال
ده مهما كان المال مايشتريش خواطر
......
جبر الخواطر مش بمال
اشتروا وتاجرو
تربحو جبر الخواطر
ولابينكو خاطر يتكسر
ب السؤال مش بمال
أجبرو يلا الخواطر
...........
ليست هناك تعليقات:
إرسال تعليق