بسهر بالفلا وعيوني على النجمات
وبقول..........معقول قبالي أنا تطلي
وبقطف......حروف من سما الغيمات
ومن..............الكواكب بعبيلك السلة
وبتذكرك........لما نقعد على الطبقات
وإحْمِلِكْ......معي زهرة ووردة وفلة
ونِلعب..............سوى صبيان وبنات
والكل......يروحوا وإنتِ معي تظلي
ونطلع.............نرقص على الطبقات
ومن.......................جنى حُبي تغِلي
وكنا............نشعر بالسعادة والحياة
ولا.......منك مِلّْ ولا كنتي مني تمِلِّي
وكنا..............نرسم صُوَر وحكايات
وبجنبي..........المقعد عطول تحتلي
ومن...............شفافك تطلع النغمات
متل............موسيقى وتزيدك تَحَلي
ونكابش..........إيدينا لنبرز العضلات
وبغير.................إيدي أحد ما تخلِّي
ولَمَنْ.........تزعلي إمسحلِك الدمعات
وصبيع............إيديي بدمعك تشَلي
وقلك........يا عُمري يا أجمل البنات
تجاوبي.................يا عُمر العُمر قِلي
ومن.......تمي بجرأة طُلعِت الكلمات
وقلت وين ما بروح بالقلب حتضلي
وتذكرت...الزمن كيف جبلنا الويلات
وإفترقنا.......عن بعض حتى الممات
وفيكِ........عم إحلم تتحقق الغايات
وركعتين...لأجلك كل يوم عم صلي
❤️إسحاق قشاقش ❤️
ليست هناك تعليقات:
إرسال تعليق