أنا كنت فكراه كان شيطان
أو إنه كان بركان هلاك
فاق كل تفكيري كمان
وف يوم وليلة صبح ملاك
لكن ملاك موت للأسف
أجمل سنين عمري خطف
وأمّا واجهته أنا بحقيقته
إدّارى مني ولا إعترف
الضحكة مرسومة ف عينيه
والطيبة باينة كمان عليه
لكن دي طيبة مزيّفة
بسببها ياما خدعني فيه
أوقات كتير وأنا بسمعُه
بلمح وأشوف فيه كل شئ
وعيونُه لمّا يدّمعوا
تحس إنه ملاك برئ
لكن دموعُه كدابين
يخدع ويمشي في ثانيتين
الكدب أصله لعبته
والغدر طبعه من سنين
كل اللي شافُه صدّقوا
وفِهم حقيقته تبقى إيه
ناس تنخدع فيه وتعشقُه
وناس كتير تشفق عليه
أصل اللي زيه أكيد مريض
بالنسبة ليا ماهوش جديد
بعد اللي شفته بجد منه
مفروض ده يتعالج أكيد
بقلمي عبدالحميد وهبه
ليست هناك تعليقات:
إرسال تعليق