لمّا يبقى القلب أعمَى
يبقى صعب العين تشوف
هي دي أكبرها أزمة
وده إختصار كل الحروف
لمّا يبقى القلب آلة
ماشية ضالّة للطريق
لمّا يبقى وجوده عالة
وعمرُه ماحسش بشئ
يبقى صعب في مرة يعشق
خير وشر إزاي يفرّق
عمرُه كلُه عاش بيخلق
ألف حِجة من الظروف
لمّا يبقى القلب أعمى
يبقى صعب العين تشوف
لمّا يبقى القلب ميّت
رغم إن النبض فيه
ده يدِل أكيد ويثبت
وضعُه اللي صار عليه
وإنه عايش جوه ضلمة
بس عايشها بمزاجه
قلب رافض أي كلمة
وصعب فعلاً يوم علاجُه
لمّا يبقى القلب عايش
جوه حالة من السكات
قوللي يعني إزاي هتقدر
يوم تصّحي حد مات
إيه اللي ممكن يوم يفيد
ولا يعني في يوم يعيد
قلب مات إحساسه فيه
قلب أصبح من حديد
بقلمي عبدالحميد وهبه
ليست هناك تعليقات:
إرسال تعليق