اللي يحط ظروفه دايماً
حِجة وبيها عليك يتأخّر
حاول إنك تنساه أصلاً
يعني بحِجة عندي زهايمر
وبتلقاه حاطط بجنابُه
حِجة أكيد دايماً لغيابُه
إوعى يضيع وقتك في عِتابه
وإوعى بكِدبُه في يوم تتأثّر
اللي يحط ظروفه دايماً
حِجة وبيها عليك يتأخر
اللي إتمنى يقرّب منك
بقى دلوقتي خلاص مشغول
تيجي تقرّب يبعد عنك
قال بسلامتُه صبح مسؤول
إنت كمان إبعد وإنساه
ماتضّيعشي الوقت معاه
عيش أيامك طبعاً عادي
وإياك تندم على ذكراه
اللي يحاول يلغي وجودك
إنت إعتبره كأنه ماجاش
زي ما خان وباع وعودك
بيعُه حتى ولو ببلاش
وإن يوم جِه ورجع ندمان
قولّه خلاص مابقاش فيه مكان
وإن خسارتُه دي أكبر مكسب
يعني طِلعت أكيد كسبان
بقلمي عبدالحميد وهبه
ليست هناك تعليقات:
إرسال تعليق