أرض بور بقلم بقلم عبدالحميد وهبه

( أرض بور )

لمّا فجأة القلب يصبح أرض بور 

قلب فيه الحب يعني بدون جذور 

يبقى صار الحب فعلاً سهل موته 

والمكان الأولى بيه هو القبور 

يبقى م الواجب خلاص البعد عنه 

أصله مَبقاش أي فايدة هتيجي منه 

واللي سهروا الليل وياما عشانه غنّوا  

أحسنِلهم يبنوا بينهم ألف سور 

لمّا فجأة القلب يصبح أرض بور 

لمّا فجأة القلب يتحوّل لصخرة 

لمّا تلقاه مش باقي على أي عشرة 

يومها يبقى البعد عنه شئ ضروري 

مش ضروري بإني أقولك كل مرة 

ولاّ نِفسك يعني مرة تروح تجرّب 

كل حبة تسيبني وتحاول تقرّب 

إنت قلبك لسه زي ما هو طيب 

وبعينيه شايف القلوب صافية وخضرا 

لمّا فجأة القلب يتحوّل لصخرة 

لمّا فجأة الود يتبدّل عداوة 

لمّا تزرع حب فيه يطرح قساوة 

لمّا تلقى الطيبة فيه إتجمدت 

وإنه مابقاش فيه مكان حتى لغلاوة 

يبقى فعلاً قلب أرضه بجد مالحة 

مش هتبقى في يوم أكيد للحب صالحة 

لو فضلت سنين تعالج بردوا فيها 

مستحيل هيكون مابينكوا في يوم مصالحة 

بقلمي عبدالحميد وهبه