بالله عليكي يا غزة سامحينا
علشان بجد إحنا خذلناكي
بس مافيش فيه حاجه بإيدينا
لكن القلوب واللهِ وياكي
ماهو مش يحس النار أكيد طبعاً
غير اللي عايش ليل نهار فيها
لكنّنا بندعي الإله دايماً
غمّة أكيد وحده يعدّيها
أصغر ما فينا واللهِ مش خايف
نفسه يجيلك حتى لو زاحف
بس فيه ناس قفلوا الحدود بينّا
خلّوا الجميع مبقاش خلاص شايف
سامحي كمان عجزي وتقصيري
وعجز ناس ياما كتير غيري
لكن عمري في لحظة ما نسيتك
ليلي ونهاري مالكة تفكيري
العين بتبكي والفؤاد مجروح
عايشين ولكن بس حلاوة روح
نفسي بأهلي ومالي أفديكي
بس إنت عارفة بإنه مش مسموح
قفلوا عليكي وحطوا بينّا سدود
لا قلب يحكم ولا ضمير موجود
لمّا الإيمان قّل في قلوبنا
الظلم هوّ اللّي صار بيسود
كان نفسي نبقى تملّي كتف بكتف
ننسى المذّلة وننسي حتى الضعف
نفسي الإيدين تبقى إيدين متجمّعة
مش ألف فرقة وألف صف وصف
مافيش في إيدي غير إني أدعيلك
ما أنا أصلي عاجز صعب أعدّيلك
عاجز ده إيه أنا باقيت ميت
وإزاي بقى ميت يا غ ز ة هيجيلك
وإزاي بقى ميت يا غ ز ة هيجيلك
بقلمي عبدالحميد وهبه
ليست هناك تعليقات:
إرسال تعليق