لو كان كلامك صعب حد يفهمُه
قدّم سكوتك في الحالادي عليه
وإن كان شعورك صعب يعني توّصّلُه
فَ الأولَى إنك وقتها تِخفية
فيه حاجات يا إمّا تتفِهم كاملة
يا إما يعني ماتِتفهِمش نهائي
إحساسك إنت بيه أكيد أولَى
من أي حد ماهوش عليك باقي
فيه كلام كتير بنقوله غيرنا مايفهموش
وفّر عليك وقتك بقى ماتضّيعوش
حاول كمان إن إنت يعني ماتِلزِموش
إنه يحسّ بحاجه مش شافها بعينيه
لو كان كلامك صعب حد يفهمُه
قدّم سكوتك في الحالادي عليه
لو الكلام فعلاً مالوش لازمة
ف أكيد سكوتك راح يكون أحسن
فيه كلام ساعات ممكن يجيب أزمة
وكلام ساعات بيهدّي ويطمن
أوقات كتير إشارة مش أكتر
بيها ساعات عن نفسنا نعبّر
لكن فيه ناس لو قولت مية كلمة
فيهم كلامك عمره ما يأثّر
إمشي ف طريقك عادي وإتحمّل
وإصبر عليه لو حتى هيطوّل
إوعاك تخاف من وحدتك أبداً
جايز تكون الوحدة ليك أفضل
بقلمي عبدالحميد وهبه
ليست هناك تعليقات:
إرسال تعليق