.... قلم السيد بدر
أنا بعد منك مش أنا وتفرق كتير
الشهد مررر والهنا وحاجات كتير
واللي كانو لما كنتي أتغيرو
نسيو اللي منك النهارده بيقدرو
ما فكاروش الله يجازيهم
على ضهري مره يطبطبو
.. أنا بعد منك مش أنا وتفرق كتير
......
بان بعد منك البشر -- والطبع بان
شوفت الأنانى واللي خاين والجبان
طيع الديابه طبعهم
دنيا بعدك مش أمان
.. أنا بعد منك مش أنا وتفرق كتير
*******
مش عجيب تاكل الديابه بعضها
العجب قدام عينينا ناس بتاكل بعضها
نامي وعليا متخافيش
بعدك الباب أتقفل وماتقلاقيش
ودنيا بعدك بيعتها
بانت قيمتها ماتساويش
لا طعم شهد بشتهي
والأحبه فين مافيش
.. أنا بعد منك مش أنا وتفرق كتير
.. الشهد مررر والهنا وحاجات كتير
.........قلم السيد بدر
ليست هناك تعليقات:
إرسال تعليق