إحساس وشعور غير متوَقع
كان صعب عليا أنا فيه أرجع
إحساسي بإنُه صبح ملكي
وعلى عرش القلب بقى إتربّع
في الأول ما أخدتّش بالي
ماعرِفتش إيه اللي جرالي
وف ثانية لاقيتني بدوب يعني
وعِشقته وإتشقلِب حالي
والوضع خلاص يعني إتغيّر
وعِرفت بحُبه إزاي أسهر
وإن غاب عن قلبي أنا بتأثّر
وأرفض في غيابه لغيرُه أسمع
إحساس وشعور غير متوَقع
مكانِتش في يوم طبعاً تِفرق
بالنسبة لقلبي بإنُه يحب
لا عملت حساب إن أنا أعشق
أو أفتح يعني أنا باب القلب
وإتغيّر كل ده بقى فجأة
ماقدِِّرتش أقول طبعاً لأة
ده وجوده كان أحلى مفاجأة
وياها عِرفت أنا معنى الحب
دلوقتي باقيت في هواه دايب
ما أقدرش في يوم أبعد عنُه
وباقينا خلاص يعني حبايب
ما فيه حد ياخدني أكيد منُه
في القلب خلاص يعني إتحكّم
ما أنا قلبي أكيد منه إتعلّم
إزاي بقى يعشق ويسلّم
وعيوني معاه إزاي غنّوا
بقلمي عبدالحميد وهبه
ليست هناك تعليقات:
إرسال تعليق