حلّفتك بالحب الغالي حلّفتك بالله
فيه قلب بينبض بوجودك لا تفكّر تنساه
ماتغيبشي وتسيبني في بُعدك أسهر وأحتار
ده وجودك بالنسبة لقلبي واللهِ حياة
حلّفتك كام مرة بلاش في البعد تفكّر
ده انا عنك أنا ماستغناش ولا على بُعدك أقدر
لا أنا قادر أتخيّل فعلاً ولا قادر أتصوّر
إزاي قلبي يعيش من غير ماتكون جوّاه
حلّفتك بالحب الغالي حلّفتك بالله
لمّا بتمشي أكيد وتسيبني
عقلي بيبقى مشتت
أيوه صحيح عايش ف غيابك
لٓكن عايش ميت
قلبي كمان بيحس بوحدة
وإنه يتيم من بعدك
على جرحه دايماً ودموعه
يصحى أكيد ويبيّت
إنت النبض أكيد للقلب
وإنت النور للعين
شكلي في بُعدك بيكون صعب
واليوم ببقى يومين
لو هتفكّر يوم في البُعد
أو هتسيبني خلاص
يبقى تاخدني معاك يا حبيبي
لو هتروح على فين
بقلمي عبدالحميد وهبه
ليست هناك تعليقات:
إرسال تعليق