وبنحسبلك بقلم السيد بدر

 .. وبنحسبلك ..

.... قلم السيد بدر 

سهله ومتيسره والشهد  طعمها 

ياصعبه متعسره والمر طعمها 

من ده  وده  كده وكده 

ليلها غير نهارها ودفاها غير بردها  .

دى الدنيا اللى احنا فيها

.... 

الصحه فيها والوجع اليتم فيها والدلع

فيها الرضا وفيها الطمع

فيها القناعه فيها الجشع

العكس فيها والضد فيها 

فيها كله شاكى م الوجع

دى الدنيا اللى احنا فيها

اللى فيها ريقنا ناشف 

وبنشكى فيها م الوجع 

.....

فيها سلف ودين فيها 

فيها توجع تتوجع 

فيها  ليك فيها عليك

فيها قالك وقال عليك

الخاين والأمين  اللص والشريف

إللى باعك واللى صان واللى شاريك

دى الدنيا إللى احنا فيها

كله ليها أنت  ماليك

كل ماعليها فاني 

........

على قد ما بننكرها 

على قد ما نحبها حبيبه وفيها نتغزل

مهما توعد ومعانا تخلف

طوعها  تحت أمرها مسرح واحنا بنمثل

دى الدنيا واحنا ناسها

إللى وراها مكفيانا ومديانا ضهرها

كدب ومين حايلحقا 

دنيا وعليها ضيوف يوم يومين 

كله ماشي وكله فاني 

شغلانه  ليه بنحسبلها