عشقت صبية فلاحة
وعشقها دا جنني
صبية زي التفاحة
وخجلها دا حاجة تانية
لفيت الكون وكلي جنون
ومن كل بستان وردة
احول احلامي حقيقة
ودايما احلامي مجنونة
لحد في يوم لقيت نفسي
قدام وردة مرسومة
فضلت وراها الف. وادور
كأني في لوحة مجنونة
عملت كل حركات الكون
وفي الأخر مفيش فايدة
وأنا جوايا كلي غرور
لكن بعاملها بحنية
ما اخدتش منها ولا نظرة
جن جنوني قوي منها
وحلفت بكل اللي جوايا
لأشم ريحتك ولو ثانية
واعيد وازيد في حركاتي
وبردوا مفيش معاها فايدة
وقلبي يزيد في دقاتة
وبقيت خلاص في حالة تانية
اتاريني وقعت في غرامها
سلمت كل اوراقي
لفلاحة وحورية من الجنة
بسرعة جريت لبيت ابوها
ومنه كنت خاطبها
وهي بسرعة قوام وافقت
اتاريني كنت عاجبها
لكن خجلها دا منعها
كتب كتابنا قوام مأذون
علي اللي صادتني پخجلها
حبيبتي الحلوة الفلاحة
طلعت ريحتها ريحة وردي
يا أم الشفايف ورد
والريق كمان طلع حالي
بقلم
احمد محمود
من ديوان حبة رتوش
ليست هناك تعليقات:
إرسال تعليق