...............
هتني الدنيا تمرجحنا
من تحت لفوق
بالغصب هتسقينا
مرارها هندوق هندوق
هتعبي همومك وتشيلها
بكرباجها تسوق
دي لا ينفع فيها عتاب أصلا
ولا يوم هتروق
والفرحة إن جات جبر خواطر
وتبات محروم
هتسد في باب إفتح غيره
عايزاك ما تفوق
ده الشاطر ناصح من يومه
ضاع عمره حروب
ما تريح بالك وإنساها
ما تسيبها تغور
ما أنت اللي غرورك وصل لك
تقدرها تسوق
مش جايلك منها بألاعيبها
غير ضغط يفور
متعلق فيها كما
الساقيه بتدوس كام ثور
ربطانا بحبل ورا التاني
لتلف تدور
تتحنجل ليها وتتمسكن
حاجزه لك دور
وتماللي بتفرح بدموعك
وتبان مكسور
خليك تتمرجح بمزاجك
وأهو ماله الثور
كرباج والتاني هتتعود
تستنى الدور
بختك يا بخيت حزن وفرحه
ميت مقهور
ما تدور كده فينها الأخرة
هتعيش مستور
متشعلق ليه كده بالدنيا
إسعى ورا النور
حوط على زرعك
للآخرة حور جنه سرور
والسعد بشاير مرصوصه
ما فيهاش محروم
بقلم .. صبري رسلان
ليست هناك تعليقات:
إرسال تعليق