.................
يا وجع القلب من نفسي
وليه إتمنيته ليل
منسي كرهتك أيوه ما أنكرشي
وبدعي يوماتي لو تمشي
كرهت الدنيا في وجودك
وفرحي وسعدي يوم موتك
أتاري كان قدر مكتوب
وروحت وبان لي أيه وجودك
عرفت المعني للضمه
وحضن العيله واللمه
يا ريت ترجع لي لو ثانيه
ده ندمي عذاب ونار قايده
وآه من ليل فراق عدا
وعصيت عيني تتبكى
لا لاقيه الدمعه تواسيني
وتسحب قلبي من العتمه
فقدت حنانه وبأيدي
وناسيه ده نبضه في وريدي
خوفه عليا من الدنيا
وناس بايعه الضمير خاينه
غلطت وعمري ما هسامح
قلبي وأد أيه جارح
طعنته بسهم أنانيتي
ودوقت مرار كراهيتي
كسيته بأيدي ثوب كفنه
وعمره ما قالها مين جرحه
حرمته يشوفني بالطرحه
وعطر ورود حفيد طارحه
لاغيت أحاسيسه ونسيتها
ورثت الحزن مش فرحه
بقلم .. صبري رسلان
ليست هناك تعليقات:
إرسال تعليق