شعر ..سعيد حمدي محمد
*************
ياحبيبي بﻻش العناد
وكفايه بعاد وجفا
أنا قلبي متشوق تعود
ونعيش ليالي الصفا
*********
يابو العيون السود ليلي
البعاد طول عزابي وزاد ويلي
تعالى ياقمري نورلي .ضويلي
ده القلب من كاس الفراق
شرب وتاه واكتفى
ياحبيبي بﻻش العناد
وكفايه بعاد وجفا
دانا قلبي متشوق تعود
ونعيش ليالي الصفا
************
ياحلو الطبايع
بﻻش تكون بايع
ويهون عليك فراقي
وانا العطشان لحنانك
والقلب شراقي.
وشتلت شجر الحنين
في طريق التﻻقي
وليه تعند معايا
وتزيد الخصام والجفا
ياحبيبي بﻻش العناد
وكفايا بعاد وجفا
*************
وحياتك ماتنسي العيش والملح
وانا بغزل لك في توب الفرح
من قطن الهموم والجرح
وقلبي نفخ جرحاته
ويا زفراته ..
واهو فارد لك جناحاته
لحضن الشوق والدفا
ياحبيبي بﻻش العناد
وكفايه بعاد وجفا
انا قلبي متشوق تعود
ونعيش ليالي الصفا
شعر ...سعيد حمدى محمد
7/3/2023
ليست هناك تعليقات:
إرسال تعليق