قُدّام باب قلبي لاقيتُه واقف
عمال بيحاول ويجازف
بيخبط بإيديه ويشاكس
بيحاول يدخل مش عارف
واقف من فترة ومستنظر
متلّخبط يعني ومتأثّر
بقى رايح جاي قدام مني
يسأل على قلبي ويستفسر
لو كان بقى فعلاً مسموحلُه
يقعد أو يبعد أريحلُه
أو قلبي يحن ويفتحلُه
أو لسه مازال فعلاً خايف
قُدّام باب قلبي لاقيتُه واقف
قُدّام باب قلبي فضل قاعد
يستنظر ردي وبيشاهد
طول وقته مابطّلش مناكفة
يتحايل فيا وبيناهد
طب أخف اللعب بقى وأهدّي
وأفتحلُه الباب لجل يعدّي
ولّا أفضل قافل باب قلبي
وأكمّل عمري بقى لوحدي
كام مرة حاولت إني أجاوبه
وأسمع واللهِ كلام قلبه
وأحاول أكسب فيه ثواب
وأخلَص من عِنده ومن ذنبه
القلب خلاص هفتح بابه
يقدر يتفضّل بجنابُه
معروف هعمله علشان خاطره
وأهو كله بخيرُه وبثوابُه
بقلمي عبدالحميد وهبه
ليست هناك تعليقات:
إرسال تعليق