نحنا شعب بدمنا بنفدي الأوطان
مهما نعاني من الألم والجوع
بنحمد الله ع لي جرا وكان
حتى لو كل يوم ذرفنا دموع
بكرة نصرنا رح يظهر ويبان
رغم الشعب من الألم موجوع
وشبان صامدة وثابتة بالميدان
بشموخ عالي وراسها مرفوع
بتتحدى الظلم والقهر والعد وان
لتزين الوطن بشباب كلها شموع
وتصنع ورود بلون الإرجوان
ومن دم الشهادة هالورد مصنوع
بس العتب بيبقى على العُربان
والعتب عنهن أبد مش مرفوع
تواطؤوا على غزة وعلى لبنان
وبقيوا بعاد كل البُعد عن الموضوع
وسكتوا على جرايم الع دوان
وكل لحساب من جيابهن مدفوع
وتخاذلوا من يوم ما إجا الطو فان
وعن شعبنا كل المدد مقطوع
وأطفال عم تموت من الحرمان
وشعوب فقدوا الأمن والأمان
حتى العيش بكرامة صار ممنوع
بقلمي :إسحاق قشاقش
ليست هناك تعليقات:
إرسال تعليق