اللي جرحُه في قلبي صايب
واللي كان لفراقنا حابب
بعد ما إتعمّد يسيبنا
صار خلاص نسيانُه واجب
واللي ناوي بإنه يبعد
مش همانع ولّا هرفض
ولّا يوم هندم عليه
بُعده يعني ماعدش فارق
هوَّ اللي إختار يفارق
وإختيارُه ده بإيديه
مهما يتعب أو يعاني
مش هينفع يعني تاني
إنّا يوم نرجع حبايب
اللي جرحُه في قلبي صايب
اللي جرحُه في قلبي علّم
قلبي كان وياه مسلّم
بس بعد ما راح وباعنا
صار فراقُه عندي أسلَم
مرة واحدة خد قرارُه
والفراق كان إختيارُه
يبقى يتحمّل نتيجته
الفراق صار بالفراق
قلبي رافض الاشتياق
بعد ما بانت حقيقته
ده قرار ومافهش رَجعة
مش هتبكي عيوني دمعة
ده ف دموعي مالوهش نايب
اللي جرحُه في قلبي صايب
بقلمي عبدالحميد وهبه
ليست هناك تعليقات:
إرسال تعليق