.
لقيت نفسي سارحة
وساحبة م الشوق لهفة قديمة
وكتلة م الضباب الشارد
بتنادي على الناس الندامى
ف شوارع المدينة
هي ليه المشاعر بقت متكدسة وحزينة
والنبض بقى حجر صوان
ف ثانية يولع شرار
سالت نفسي
مرارا وتكرار
ف جاني صداع و حسيت بدوار
روحت هربت للساحة
لقيتها مغارة مليانة فخار
هو يعني ايه انتصار ولا انكسار
طب هي ليه الشكوى تاهت جراحها
على بوابة الدار
وصخرة حبيبي مليانة أسرار
إيه اللي غير الأحوال
هو ليه الحبر اللي بينا بقى ناشف
مبيكتبش غير القسوة والمرار
حتى القصيدة لبست توب
مشعلل باللهيب والنار
طب ليه لما أشتاق أخاف
اكمني عاملة جريمة
و دايماً دايماً بحس بالهزيمة
طب ليه حظي م الشعر و الشعراء
زي لعبة القمار يا رابح يا خسران
وافضل ف ليل الوحدة
بكتب أشعار ..
وأنا الدرة الثمينة ..
مكتوبة ع الهامش
ف سواد الليل وف عز النهار
ميادا العلي
الحبيبة سورية
ذات اللاذقية🇸🇾
.
ليست هناك تعليقات:
إرسال تعليق