..............
ونسيت يا دنيا ضحكيتي
وطعم الفرح
ولا عدت فاكر أيه اللي فيا
ما أتجرح
عايش في ماضي كله ليل
ما زاروش نهار
هجراني روحي غصب عني
مفارقه دار
وليه ده فاتني لوحديتي
أشكي المرار
أكتب وقوله يا قلم
ده بعاده نار
وأحكيه له وأوصف دمعيتي
في ليلي اللي طال
دبلت وروده فى حضن صمت
كساه الزمان
ما لقاش فيه ود يرتوي
ولا شاف أمان
مال غصنه مستني النهايه بدون الآم
نفسه إن روحه ترد له
كفياه ملام
وعينيه تشوف ضي النهار
والفرح بان
هيرد تاني لماضي راح
ولا هينساه بالجراح
وينهي اللي كان
بقلم .. صبري رسلان
ليست هناك تعليقات:
إرسال تعليق