ناس قادرة تعيش وحيدة
قادرة ترتب ضحكة جديدة
قادرة تسابق الأيام ترسملها وبتبقي سعيدة
ناس بتضحي باللي كان من عمرها لما فات
ما فضلش منه غير أيام
قالت يعني فاضلي كام من ساعات
واهو بكره هكون في خبر كان وذكري جديدة
بتعيش اللحظة وبسعادة
بضحكة ترن لكن متعاده
قاصده تخلي القلب فرحان
والكون حواليها بنظره بريئة
لما تشوف البسمة تلاقيها زي نسمه
في قلوبها خفيفة
قادره ترسم الأحلام مش مهم بكره يبان
كل حاجة بتعيشها حياه
وببساطتها
تعمل دنيا بالألوان
تمشي تلحن الأنغام
وياا قلوبها بنغمة رقيقة
تفرح تنده ع الزمان
تبقي رايقة في دنيا جميلة
ناس أحلامها حلوة بسيطة
دايماً عال وسعيدة
حاسة الكون كله لازم يكون فرحان
دايماً تشوفه بنظرة جميلة
مهما كان وأي إن كان
شايفه الصعب يلين بدعاء
لما تبص للسماء تصفي قلوبها زي جنة
ترجع تسكن بالحقيقة
عارفة الدنيا
ومهما طاحت ولا ثارت
ليها نهاية
مش بيكابروا في الحقيقة
والحقيقة
إنها دنيا
ماخدوش في فهمها دقيقة
مهما ضاقت بيهم
ولاا عافروا
ولاا جاهدوا
هي دنيا ودي الحقيقة
بقلم/ نورهان محمد علي
ليست هناك تعليقات:
إرسال تعليق