يا ريت ما كتبت كتابي
وبقيت العمر عذابة
وما خطبت شخص كذاب
وكان أعز أحبابي
طلع متل وحوش الغاب
طالعلي من الغابة
وعليي سكر لبواب
وبالقوة قلعني تيابي
وعشت حالة إغتصاب
وضيع عمري وشبابي
وسافر وما حسبلي حساب
وفضحني أمام أصحابي
وراح وطول لغياب
وإنهارت كل أعصابي
وما بعت ولا جواب
وقطعت أكلي وشرابي
وعايشة حالة إكتئاب
وعليي سكرت بوابي
وعم بيدقوا هالأغراب
حتى يكونوا خُطَّابي
وبيسألوا شو هالأسباب
وما شالله بعدِك شباب
وليش بعدِك عذابة
بقلمي ♥️إسحاق قشاقش♥️
ليست هناك تعليقات:
إرسال تعليق