كتر رفوف الوجع
مادام للخسيس عليت
أصل الندالة دي طبع
مهما لأصله بنيت
الوسخ دايما مبقع
مهما لمية غسيله غليت
رقعة فى توبك صحبته
لو ألف سد بنيت
ياكل عيشك ويهينك
وتبقى
سفيه لو عليه رديت
ميزان الرجولة اختل
وسوق العمم فاضي
شيخ منصر الأندال
أتنصب فيها قاضي
لبس عمامة الرجال
ونسى اصله والماضي
ملعون أبوها الفلوس
عملت للخسيس قيمة
دا الكلب مهما شبع
طبع النباح فيه شيمة
قلم
نور الدين محمد (نبيل)
١١/٢/٢٠٢٥
ليست هناك تعليقات:
إرسال تعليق