ما تناقشني عالفاضي
وتعيشني بالماضي
التجار متل وحوش الغاب
ذياب وأكثر زيادة
وما عايش غير الكذاب
والحاكم أو القاضي
والشعب بحالة عذاب
وبهالعيشة منو راضي
وما عاد في عنا أصحاب
ولا مال ولا أراضي
وإنصبنا بمرض أعصاب
والإعاقة فيها شهادة
والصحة بحالة خراب
وقرَّبنا نسقط بالوادي
والأمل عنا ضباب
وما في عنا سعادة
والمحبة صارت سراب
وبترحم ععمري الماضي
وعم بتهاجر هالشباب
كلو من فقر بلادي
ومن الغلا عنا إكتئاب
وعم بنقضيها شحادي
وما بندقدق ع الأبواب
ولا بنمد الأيادي
وحتى تعرف الأسباب
إسألوا حكام بلادي
واسألوا ليش الأغراب
علينا نصروا الأعادي
وفيتو عبعض الأحزاب
ودولة من دون سيادة
بقلمي ♥️إسحاق قشاقش ♥️
ليست هناك تعليقات:
إرسال تعليق