م النهاردة بجد فعلاً
كان لابد آخد قرار
وبصراحة بقولها وأعلن
ليا حق الإختيار
إختياري بإني أكمّل
اللي جاي فعلاً معاك
او ألملم جرحي وأرحل
وأمشي وأبعد عن هواك
ليه تملّي إنت محاوطني
تحت عينك ليه حاططني
هوّ يعني إنت أشترتني
أو مضيت عقد إحتكار
م النهاردة بجد فعلاً
كان لابد آخد قرار
م النهاردة أنا ليا حق
أعلن إحتجاجي وارفض
وإني أقول بصراحة لأ
وأمّا أحب أبعد أنا أبعد
إنت إيه حاكم بأمرُه ....؟
قلبي خلّص كل صبرُه
وبصراحة الحب عمرُه
ما كان تملُّك أو حِصار
م النهاردة بجد فعلاً
كان لابد آخد قرار
بقلمي عبدالحميد وهبه
ليست هناك تعليقات:
إرسال تعليق