.........قلم السيد بدر
مصر حد مش لحد
سيفها حامي بألف حد
حد للي يخاف عليها
حامي للي يعادي فيها
واللي يبدء بالخيانة
مستحيل يستنى فيها
نسلها هايهده هد
.............
مصر خيرها لغيرها اة
فاتحه بابها لأى حد
بالرضا تديك ماتبخل
وتلقا منها كل ود
ويوم مابتحس بخيانه
أو بخسه أو نداله
لو جبل يتهد هد
..........
أما اللي منها وجه عليها
واللي يغدر مره بيها
وعد منا نهدة هد
مصر لينا أيوه لينا
واللى لينا مايخده حد
.......
مصر تضحك
بس ساعة الجد جد
أعشق فيها حبها
أبعد وتاني أرجع لها
أحلم تكون جار منها
بس يوم ماتمسها
أو حتى بس تلطها
تنبتر ايديك بجد
........
. مصر ناسها طيبين
الطيبه عنوان وشهم
ألقلوب من فل أبيض
تغضب من اللي يغشهم
لو أمين تاخد عينيهم
ويوم ماتستقوى عليهم
لو جبل تتهد هد
.........
مصر بدايه كل حاجه
مصر حلوة الحلوات
مصر حكمة مصر كعبة
أرض الهرم والمعجزات
.........
الأمين يدق بابها
أبنها ويبقى منها
واللي خان ودم فيها
الرضا ماينوله منها
واللي هد منها طوبه
حد سيف يستنى منها
ونبني بينا وبينه سد
...........
مصر كله عارف قيمتها
عمرها ماتضيع هيبتها
مهما يحصل او يكون
حتى لو وقعت تقوم
أنسى تخضع يوم لحد
سيفها لسه بالف حد
حد للي يخاف عليها
حامي للي يعض فيها
مصر لينا مش لحد
عمرها ما تكون لحد
إلا مصر . / بقلم السيد بدر
ليست هناك تعليقات:
إرسال تعليق