جوايا يا حبيبتي أمنية
بتطبطب على قلبي بحنية
وبتهمس يا حبيبي بحبك
القاني في دنيا غير دية
القاني في الجنة ونعيمها
وانفاسك يا حبيبتي نسيمها
والشوق في عينيكي بيندهني
وتفاحة آدم نقسمها
لو حبك كان أكبر ذنبي
حاقوله يا ذنب ما كان ذنبي
أزاي عايزني اتوب عنك
وحبيبة قلبي هنا جنبي
لو انتي الذنب ما اتوب
ما فيش جنة عمرها بذنوب
دا نعيم الجنة قصاد مني
وخلاص مافيش صبر لأيوب
يحيى حسين القاهرة
6 فبراير 2025
ليست هناك تعليقات:
إرسال تعليق