خُد عيوني بقلم وسام الحرفوش

" خُد عيوني "

( باللهجة المصرية )

خُد عيوني ... وٍحياتي عَندك

و شوف جُنوني ... في ظلم عٍندك

في كل حِتّة .. م ٍ الدنيا ديٌه

في السما .. في البر 

ف ٍ الشٌَط .. في مَيٌه

ح تلاقي صورتك مرسومة فيها

وتشوف بلاد مكتوبة بإسمك

و خُد عيوني ...

 وٍحياتي عندك

....

و خُد عٍينيٌا ... و شوف دا حالي

تٍعطف عليٌا ... م ٍ اللي جَرالي

في كل أرض .. ف ٍ البحر الازرق

مع كل يوم ... يولد و يغرق

ح تلاقي صورتك في فجر شَقشَق

و تٍسمع طيور تٍهمس بإسمك 

و خُد عيوني ...

وٍحياتي عَندك 

.....

و هات اٍيديك ... يَخدولي قلبي

يروح إليك .... و يشكي حبي

ح تلاقي بَرضو .. ما بين ضلوعي

وٍ ف كلٍّ حَبٌة .. فٍ بحور دموعي

ح تلاقي صورتك مرسومة فيها 

وتشوف جٍراح مكتوبة بإسمك 

و خُد عيوني ....

وٍحياتي عَندك 

.....

و خُد و خُد ... كمان و كمان

نسّيني زمان ... اٍمحيلي مكان

ودٌيني بلاد .. لٍناس جُداد

من غير عيون. .. من غير وٍداد

لا ألاقي صورتك مرسومة فيها 

ولا حروف تٍنطق بإسمك 

و خُد عيوني ..

وٍحياتي عَندك

.....

يا ضَنيني حبك ... بقى كلو أنين 

و آااه يا قلبك ... جَبروتو حزين

من النهارده .. ما انتَش حبيبي

ومن غير عيون .. أنا أرضى نصيبي

من جُوٌا قلبي مَسَحت صورتك

و عن جبيني شطبت اسمك

و خُد عيوني ...

وٍحياتي عَندك

وسام الحرفوش