زماااااان الخنا بقلم جرناس حوران أبوشاكر

........زماااااان الخنا........

الحر ماعاد له...في سمانا مسراح..

ولا عاد له قعده.....فوق الرجومي..

ولا عاد شفناه............فارد الجناح..

بعالي حِمانا....فوق غيمها يحومي..

عيّا عن الهده.....وعيّا عن المرواح..

ماعاد له رزقه.......مابين الرخومي..

ومن يوم ماهجرنا......وقفّى وراح..

تناعقت بديارنا....غربانها والبومي..

وأللي كان لخزها......وللحيل ذبّاح..

ومضافته عامرة....دوماً بالقرومي..

وماتنطفي ناره.......لا مسا وصباح..

ريف العذارى.....وبِيُتمانها رحومي..

سكّر لبابه ............بقفلٍ ومفتاح.. خجلته من سائل.....يدور طعومي..

وأللي أبوه كان.....قهوجي وسرّاح..

وأمه تدوّر اللقط.......بين الكرومي..

كبَّر مضافته......ونجره دوم ضبّاح..

يُولِم ولايِم...........ويشد بالعزومي..

وتشوف الشلايا.......مُقيْله بالمراح..

يعطي العطايا.....ورافع الخشومي.. 

والأجودي أللي كان.ممشاه الفلاح..

لابان زوله...............أشنابها تقومي..

يحكم بشرع الله..عن حقها مازاح..

يدفع من جيبته.ويفك الخصومي..

إلتزم لبيته............كنه كسير جناح..

ماعاد له الحاجة..ولاعاد له لزومي..

والهامل أللي كان..ورا الرجال نباح..

لانعدت رجالها......يتوارى ويزومي..

لبس عبايته...وصار للناس مصلاح..

لايعرف بشرعه.ولايصلي ويصومي..

هذا زمان الخنا....لايا صاااااااااااح..

رفع واطيها...........وحيَّد بالقرومي..

.....

جرناس حوران أبوشاكر..