ـ عبد خلف حمَّادة
¢¢¢¢¢¢¢¢¢¢¢¢¢¢¢¢¢
عُگبك ذبحننني الشوگ و فتفت لي العظام
مسحوب مني الشوف
و عايش بالظلام
عُگبك صرت مهموم والخُلگ ضيگ
لو عندي عشر عيون لغيرك مدحگ
عُگبك رحت للموت يل إنته علتلي
ماتدري إني أهواك و إنته قسمتي
مثلك أبد مابيه طبعك أكابر
عليك الگلب علگان بس طبعي أكابر
لو عني إنته رضيت الناس قَشه
تتأكد من الدَّلال افتح و خشه
عني إنته لو ارضيت تراني زنگيل
ما حسد حت قارون أبو الجعافيل
عنك أنا ماجوز يا زين الوصاف
إمشي عدل يهواي و خل عندك انصاف
گبل ارتمي بالبير محد نصحني
خش الهوى بالجوف و سيفو ذبحنننني
فارس چنت مغوار محد غلبني
بأول املاگه وياك رمشك سلبني
راح العمر يهواي و الكُبر عبره
خلنا نتسامح عاد آخرها حفره
¢¢¢¢¢¢¢¢¢¢¢¢¢¢¢¢¢
مع تحيات الشاعر والكاتب عبد خلف حمَّادة
ليست هناك تعليقات:
إرسال تعليق