ومين يعني اللي كان يعرف
وشاف قلبي اللي عاش ينزف
ومين حاول يحن عليه
ومين فكّر عليه يعطف
لا حد لجرحه يوم ترجم
ولا حسُه ولا إتألّم
ده قلبي لو في لحظة مات
ما حد عليه هيترّحم
هموم زادت قوي ع الحد
جراح بالكوم ولا بتتعد
لا حاول مرة يشكي لحد
ولا يوم حتى إستعطف
ومين يعني اللي كان يعرف
قلبي بينزف م اللي بيجرى
واللي أكيد وياهم شافُه
اللي إتحمّل فيهم مرة
أنا قلبي إتحمّل أضعافُه
عاش صابر دايماً على جرحُه
مش ناسي اللي في ألمُه فِرحوا
واللي في يوم كان سبب الجرح
قلبي أكيد عمره ما هيسامحُه
قلبي أكيد عمره ما هيسامحُه
بقلمي عبدالحميد وهبه
ليست هناك تعليقات:
إرسال تعليق