ـ عبد خلف حمَّادة
$$$$$$$$$$$$$$$$$
ضيَّعتْ راس المال والجهل غشني
وعفتْ السلوك الزين والطمع خشني
مغرور يا إنسان عمرك ثواني
وبعد الجرى ندمان هوايه تراني
ماعرفتْ طبع الناس حتى طعنوني
ياريت بعد الجروح بس دهنوني
للگوي والزنگيل كلهم يركضون
وإذا الفقير يطيح لحمه يفرضون
تعب السنين الراح أعطاني حكمه
لا تطلب من الناس لو متتْ لگمه
نصهم ترى شِمَّات والربع جاحد
يجوز منهم زين بالألف واحد
فوگ الأرض يخواي مابي سعاده
إلا مع الإيمان وغيرو گراده
بالگبر لو دلُّوك محد يجي وياك
غير العمل بالدٍّين يتوانس وياك
و لمن اتعجز بالحيل محد يسدنك
لا تگول ابنك زين ولاتگول مرتك
ولا تگول وكت العوز ليا گرابه
نصهم عگارب سود ونصهم خنابه
وادعي إله الكون غيرو ماتحتاج
ولا تصير عاله بنوب لو تشتغل حوَّاج
وآخر كلامي وياك صلي على طه
گد السما والگاع مكسب تراها
$$$$$$$$$$$$$$$$$
مع تحيات الشاعر والكاتب عبد خلف حمَّادة
ليست هناك تعليقات:
إرسال تعليق