أنسى حبِّك أسلى قلبِك
لو عشت عمري أنا رحَّال
دانا حتَّه منِّك
دانا يوم راجعلِك
لو مهما طال الترحال
دانا مهما طفت
لفيت وشفت
ف البعد عنِّك حالي حال
مش ممكن أنسى ضحكة عنيكي
أو قلبي يأسى ييجي يوم عليكي
ده هواكي مرسى منِّك إليكي
والشوق ف قلبي ما يتقال
دانا قلبي عاشقِك
م الكون ده سارقِك
غربك وشرقك
عُقدك وحَلَقِك
طب إيه لزومه خوفِك وقلقِك
دانا واللي خَلَقِك ميَّال
بتقولي خايفة
يتعبني بّعدي أو اشوفلي صٍرفه
دانا لو هواكي حطُّوه ف كفَّه
والكون ده كله ولا عمره كفَّى
ولا ذرة واحدة من شوقي وفّى
دي الروح معاكي وعليكي واقفة
دانا يوم لقاكي يوم عيد ووقفة
يوم فرح مالو مثال
محال
بقلمي/ خالد جمال٢٣/٥/٢٠٢٥
ليست هناك تعليقات:
إرسال تعليق