قلبي ودقاته
تصدقيني لو قولتلك
إن قلبي عمره ما دق
كان بيدق تسعين دقة
لكن عمره ولا دقة
كانت. علي حق
والغريبة بسمع دقاتك
لكن عيونك بتقول لا
حتي عيونك فيها شقاوة
لكن شفايف بتقول لا
ضمت صدرك بتنادي
لكن ايديكي بتقول لا
كل ما فيكي بيناديني
وجواكي جني بيقول لا
طمني قلبي بقي وقوليلي
إن مشاعري دي علي حق
طب شاوريلي كدا وناديني
حبي ليكي دا علي حق
طب ضميني كدا وقوليلي
ابعد عني واسمع لا
انتي حبيبتي وانا حبيبك
حلفي قلبك يقول الحق
انت حبيبي. وانا حبيبتك
وكل ما فيني بيطمنلك
وصدق قلبي انة لغيرك
ياحبيب قلبي عمره ما دق
انتي حبيبتي وكل حياتي
اسمعي قلبي اسمعي دقاته
وانه لغيرك عمره ما رق
دي كانت اوهام وكمان احلام
يا حبيبتي دا حبي علي حق
بقلم
احمد محمود
من ديوان سكة العاشقين
ليست هناك تعليقات:
إرسال تعليق