خدم الميم
بقلم: سعيد ألجدي الادريسي
الا سلفتي شي حد
راه عمرك تشوفه، يا احمد
عمر عينيك ترمقه
واخا تدعيه للاحد
كيجيك بصفة ملاك
و عند الرد يولي شيطان أمرد
واخا تبقى تابعه و تفضح فيه
هو ناوي ما يرد دينه
حيث ذاك الشي ثبت ليه
زعمة، في القلب و تمجهد
حاجته غير يتسلف من الغير
باش يرد ماشي هو هبيل
راه اعند من لعناد المعند
الا جا عندك شي على ود السلف
خدم الميم ترتاح و تهمد
اللهم يعيرك و يشتمك و يسبك
و لا تصير ليه، مرة مرة، تتوعد
كون لبيب يا ذاك لمسلف
راك سلفتي فلوسك لارعن مرعد
راه قالوها، حوتة وحدة تعفن الشواري
اما ذوك اللي كيردو السلف
يعني، راكم ذبتو وسط هاذ الورد.
Said Alajdi El Idrissi
Maroc
ليست هناك تعليقات:
إرسال تعليق