وجع الفراق
بتحايل علي الأيام
تنسيني الحزن الساكن
جوايا مفيش فايدة
وليه هي تتوجع
وقالت اه
ومين غيرها تتحمل
حمل كانت شايلاه
طول عمرها جامدة
وقوية ولا قالت اه
وقلبها طول عمره
حنين وفين نلقاه
عايشين معاها علي
ولا يوم ننساه
كئيبة الدنيا من غيرك
والفرح مننا تاه
يا ضمة الكل في أحضانك
ياشاملة الكل بحنانك
ياشايلة الكل في قلبك
جميلة كانت ايامك
وبعد رحيلك ومماتك
حسينا بوجع الفراق
وجع في القلب من جوه
ودموع. العين بتكويني
وصرخة. شوقي وحنيني
قالت. الأه
والأه بقولها من علشانك
اشتقت لحبك وحنانك
ياحلمي اللي كنت بحلم بيه
وحلمي اللي مرسوم علشانك
راحت معاكي الفرحة
ومعاها حبك وحنانك
واه من وجع الفراق
اه من وجع الفراق
بقلم
احمد محمود
من ديوان سكة العاشقين
ليست هناك تعليقات:
إرسال تعليق