انت حبيبي وكل ماليا
أيوه بحب وعمري ما أخون
أنت نصيبي وأغلى هدية
نعمة وجت من رب الكون
دانت يا عمري ساكن فيا
جوه ف قلبي وفين مابكون
عايشة ف روحي ونن عنيا
عمري كمان بهواك مرهون
لما تغيب عن عيني شوية
ببقى عليك ملهوف بجنون
واما بشوفِك جاية عليا
قلبي يغني ويعلى التون
أيوه بحس ساعتها كأني
زي فقير وملكت الكون
عمر الغربة ما تاخدك مني
ولا أشواقي ف يوم هتهون
دانا ف البعد بزيد حنية
دانا للوعد يا عمري بصون
بكره الوقت بسرعه يعدي
بين أحضاني تنام وتقوم
بكره هييجي واعيش متهني
لما هقابل أحلى عيون
أنسى الغربة وبعدك عني
زي ماكون ما بعدتش يوم
دانت دقيقة ما غبتش عني
ولا حسيت بفراقك يوم
كنت معاكي وقلبك جمبي
وانا وياكي غلبني النوم
بقلمي/ خالد جمال ٢٤/٦/٢٠٢٥
ليست هناك تعليقات:
إرسال تعليق