سنين عمري ماشية معايا
باليوم والساعة والثانية
عرفت. كتير عشقت كتير
رحال غريب في بلاد تانية
حبيت البيضة والشقرة
عشقت. الخمري والسمرة
وفي الأخر بقيت وحيد
سهران ليلاتي مع القمرة
بعد في ايامي وسنيني
ومعاها دموع سهري وانيني
والدنيا وخداني شمال ويمين
ومش لاقي اللي يواسيني
الحب كان صنعة وغية
و الصبر وعيون دباحة
وشباكي تملي مليانة
تصتاد اجدعها بلطية
طول عمري في الغرام شاطر
وليا في القلوب خاطر
مش شقاوة ولا فراغة عين
طب خليك معايا للأخر
انا في الغرام يا واد صياد
صياد وعشقي الملاغية
والبحر. يا واد سمكة كتبر
لكني بحب البلطية
بلطية مش عايزة طعم كتير
محتاجة بس الملاغية
سنارة مشبوكة بنظرة عين
تصتاد اجملها بلطية
لكن في اخر ايامي
والبلطي تملي قدامي
ولساني في الغرام شاطر
وقلبي يشيل تملي كتير
لكن حبيت اكون وحداني
ورميت سنارتي والشبكة
ومعاها فرحي واحزاني
وبقيت انسان
بقلم
احمد محمود
من ديوان بنا حروف
ليست هناك تعليقات:
إرسال تعليق