سراقة عيونه وكحل العين
بيشاغل فينا ويتشاقى
سراقة يدوب وف غمضة عين
تخطف ف قلوبنا العَشَّاقة
ما تقوللي السحر ده جايبه منين
والنظرة القاتلة الحرَّاقة
دي عصابة وعاملة لقلبي كمين
وأنا قلبي ضعيف مالهوش طاقة
الجفن أنا شايفه معاه سكين
بيجرَّح روحي المشتاقة
والنني كمان يسكت لأ مين
بيخش ويقلبها خناقة
والرمش واخدني معاه على فين
ثبتني وقاللي على رواقة
فيه يابني تحرِّي بطاقتك فين
قلتله دي عنيك ليا بطاقة
فتشني بإيده شمال ويمين
حسيت بايديه خطفت حاجة
بصيت على قلبي ده راح على فين
خده مني بصنعة وبكفاءة
ده حرامي سرقني ف غمضة عين
وسلاحه عيونه الفتاكة
سراقة
بقلمي/ خالد جمال ١١/٦/٢٠٢٥
ليست هناك تعليقات:
إرسال تعليق