زي ما علمتني أهواك
زي ما عودتني رؤياك
زي ما خدت القلب معاك
علم قلبي إزاي ينساك
ابعد مركبي عن مرساك
علمني أنساك
دانت مشيت وسايبلي جراح
خدت معاك كل الأفراح
بعدك قلبي ما يوم ارتاح
سبت لعيني دموع ونواح
رحت وخدت الروح وياك
عارف البعد ماكانش بإيدك
كان متقدر بيني وبينك
صنت الوعد وشيلته ف عينك
بس أنا دمي معاك ف وريدك
أيوه بتنبض بيه شرايينك
دقة قلبي تقوللي بريدك
يبقى إزاي ممكن انساك ؟!
مهما أنا مر ف عمري وفات
مهما كوتني دموع وآهات
حبك حي وعمره ما مات
عمر ما بكره هيمحي ساعات
عاشها القلب معاك ف وداد
لأ ده أنا قلبي محال ينساك
علمني أنساك
بقلمي/ خالد جمال ١٢/٦/٢٠٢٥
ليست هناك تعليقات:
إرسال تعليق