لينا وزينة ٢
من زمان كتبت قولت
ارحموا المسكينة لينا
مات ضناها وضاع شقاها
نفس المرار هتعيشة زينة
لينا صرخت تستجير
إنصفونا الرحمة فين يااهالينا
لما النسب صعب عليكم
م الاساس ليه تزوجونا
دم اولادي بيروي ارضي وكنت صامدة
صوت المدافع كان موسيقتي وكنت راضية
والنهاردة الجوع قتلني وأنتوا لسى بتبعونا
قرار نسيبكم إعدام جماعي بموت ولادنا يايهجرونا
وانتوا ولا فارق معاكم اي حاجة
الصمت سيدكم ومجبرين ما تشفونا
وابن اللذين بعد دماري
عينة زاغت على اختي زينة
وبعد الليطاني الله واعلم
الله واعلم مين تكون الثالثة لينا
جدي ياسين كان زعيم
رغم اللي فيه كان حامينا
النخوة فين فين العرب
الوحل طاف فوق العمم
الكل نام فى جحره خايف
والمهيصة
والمرقعة لسى طبع ابن اللذين
ندفع أتاوة للأصفرنجي ومتأكدين
بيها بيموت ولاد أبونا
اخد فلوسنا واخد دهبنا
وباني قواعده فوق اراضينا
ولسى مازلنا بنبوس فى ايده
عشان يمكن يرضى علينا
ياعرب يامسلمين ياموحدين
إنصفونا وارحموا زينة ولينا
بقلم/
نور الدين محمد (نبيل)
٢١/٧/٢٠٢٥
ليست هناك تعليقات:
إرسال تعليق