امتى ؟؟
امتى يجري الوقت بيا
والقى نفسي معايا مهرك
امتى يرضى الكون عليا
تبقي سندي وأبقى ضهرك
امتى ييجي اليوم حبيبتي
وبإيديا احل شعرِك
كل خصلة عليا مالت
كل مجدول من ضفايرك
امتى آخدك بين ضلوعي
وارتوي من نبع ضمك
امتى عيني تشوف بعينك
امتى يسكن فيها ضيك
امتى نبضي يحس نبضك
امتى قلبي يكون محاوطك
امتى أفتح يوم عيوني
ألقى روحي هايمة جمبك
امتى ألمس فيكي خدك
امتى احس مذاق شفايفك
امتى جذري يداوي مدك
امتى كتفي يكون ف كتفك
تبقي حدي وأبقى حدك
امتى ف الأشواق نطفٌي
امتى بردك يلقى جمري
وبكلامي ده كله اوفي
أيوه نفسي اديكي عمري
بس عمري يا ريت يكفي
بقلمي/ خالد جمال ٣٠/٧/٢٠٢٥
ليست هناك تعليقات:
إرسال تعليق