اوعى تفكّر قلبي إن حبك
سهل عليك ف الكون تعويضي
أو علشان طيب وخضعلك
يبقى خلاص ضيعته بايدي
قبل ما قلبي يهون على قلبك
هتهون لو شايلك ف وريدي
حتى العين لو شايفة بضيك
همشي ضرير وعصايتي ف ايدي
قبل ما ترمي رسايلي بيدك
هحرق كل جواب ف بريدي
قبل ما تنسى الوعد وعهدك
هنسى معاك سهري وتنهيدي
لو فكرت ان انت ف بعدك
هشكي مرار توهتي وتشريدي
انسى القلب يتوه من بعدك
يوم ما هتبعد هيكون عيدي
يوم ما هتغدر وتبيع ودك
هقدر اداوي وجيعتي بايدي
اعمل كل ما هوه ف بدك
قلبي الحر ده عمي وسيدي
عنده يموت ولا يرضى بذُلَّك
مانا ف الأصل يا عم صعيدي
بقلمي/ خالد جمال ١٠/٧/٢٠٢٥
ليست هناك تعليقات:
إرسال تعليق