رايح على فين بندهلك خد
ما تحس بحالي يا واد وترد
اوعى تفكر ينساك قلبي
لو مهما تجافي كتير وتصُد
اوعى تفكر تبعد عني
اوعى الأيام تاخدك مني
تنسى الأشواق ويهون حبي
كده بتلبسني ف حيطه سد
طب ما تقوللي هتروح على فين
ما تقول يا حبيبي يا ضي العين
دانا قلقي عليك هيموتني
لو غبت دقيقة عليك بتخض
اوعى يكون ليا حبيب تاني
وتسيبني وقلبك ينساني
ماقدرشي أتحمل هجرك يوم
ولا يقدر قلبي كمان ع البعد
طب لو زعلان ما يقوللي فيه ايه؟
لو يطلب عمري شويه عليه
أنا قابل منه عتاب أو لوم
لو بينا خلاف يتحل بود
ف ثواني لقيته راجعلي أوام
راجع وف عينه حنين وهيام
قولتله فيه إيه بس يا قلبي؟
أتاريه كان عيد حبه وحبي
كان جاي مداري ف ضهره الورد
بندهلك خد
بقلمي/ خالد جمال ٢/٧/٢٠٢٥
ليست هناك تعليقات:
إرسال تعليق