غدوة خير
غَدْوَة خِيرْ يَا صَاحْبي
مَا تَحْمِلْ هَمْ عَسِيرْ
سَبَقْ تَلْقَى الخِيرْ
دِنْيَا دَوَّارَة
مَا تُعْطِي لْحَدْ إِمَارَة
مَرَّة تْهزَّكْ وَمَرَّة تْطِيرْ
وَمَرَّة تْحطَّكْ فِي قَاعْ البِيرْ
دِنْيَا مَعْ الوَاقِفْ
تْحَبَّكْ دِيمَا وَاقِفْ
وَإِذَا غَرَّتْ بِيكْ
تِمْشِي وَتْخَلِّيكْ
لَا تُشَاوِرْ وَلَا تُوَاسِيكْ
ازْرَعْ مَا تْخِيبْ
وَاجْمَعْ ثَمْرَتَكْ بِيدِيكْ
وَلَا تِسْتَنَّى مِينْ
يْضَمِّدْ جْرَاحَكْ
الدِّنْيَا كَالنَّوَّارَة
يُومْ تُعْطِيكْ
وَيُومْ تِذْبَلْ
تْوَلِّي عَلِيكْ نَكَّارَة
وَسَعْدَكْ يَا فَاعِلْ الخِيرْ
صَاحْبي يَا بَاهِي
خَلِّي قَلْبَكْ صَاحِي
وَانْزَعْ مِن بَالِكْ
الهُمُومْ
رَاهُو شي مَا يْدُومْ
وَاصْبِرْ عَلَى المَكْتُوبْ
وَإِنْ شَاءَ الله
غَدْوَة خِيرْ...
بقلمى عماد الخذرى
(بالدارجة التونسية)
تونس فى 14/07/2025
ليست هناك تعليقات:
إرسال تعليق