منى عيني
منى عيني ف يوم تشعر بيا
وتجيني وتعطف على حالي
منى عيني شوية حنية
أو كلمة عشق تقولها لي
يا حبيبي القلب إليك سلّم
بيقولك دبت بصوت عالي
والروح كده عايشة بتتألم
ودواها معاك بس يا غالي
والعين وياك هايمة بتحلم
تسكن ضيها تضوي تلالي
فيها إيه لو تيجي وتتكلم
ده الحب مايعرفشي تعالي
مانا بنده ليك من عامنول
كم مرة ناديت قلت تعالي
دانا بقلق لا ف يوم تتحول
وتفوتني أسير ظن ف بالي
وبخاف ليكون وهم اتسلل
ع القلب وقلبك كان خالي
منى عيني حبيبي تلمحلي
وأنا هصبر أيام وليالي
أو قلبك يرضى ويسمحلي
لو قلت بحب تقولهالي
لو قصدك تتقل تدلل
ادلل على قلبي وحالي
بس بلاش تبعد وتطول
وتسيبني عليك مشغول بالي
منى عيني حبيبي أكون جمبك
وتروقلي وقلبك يصفالي
تسكن مهجتي وأسكن قلبك
واتهنى بحبك طوالي
بقلمي/ خالد جمال ٢٢/٧/٢٠٢٥
ليست هناك تعليقات:
إرسال تعليق